|
____________To Erinnerung an de Kringelhög
____________________Anno 19O1
|
|
|
Liggt Winterdag de Trav vull Is, Denn is datt Stekenfohrerwies, |
|
|
Datt se sünd ok mal fin toweg, Indem se fiert ehr Kringelhög, |
|
|
Woran mit Liew un Seel se holt, Wiel't Fest fiefhunnert Johr is olt, |
|
|
Datt is en Fest, so'n gifft man een, Datt mütt man sülben sick ansehn |
|
|
Klock teihn denn kamt de ersten Gäst ,Un Jeder de bringt mit von't Best: |
|
| |
Swinsbraden, Hummer, Lass in Dosen, Ut Astrachan Caviar famosen, |
|
| |
Mörbraden, Isbehn, Röhrei, Schinken,Heringssalat deiht uns dor winken, |
|
| |
Fuhrmann de kümmt ok dann und wann Sogor mit'n ganzes Farken an, |
|
| |
He kümmt all fiefuntwintig Johr Un is noch ümmer düchtig dor. |
|
| |
Datt nehm hier woll noch lang keen Enn, Wenn ick datt all hier wull hüt nenn, |
|
| |
Watt all hier up den Fröhstückstisch. Von de beste Sort un Alles frisch. |
|
| |
Un dorto ward de Kehl denn smeert Mit Köm un Beer wie sickt gehört |
|
| |
un Jeder stickt sick'n Kalkpiep an, De Pastoren-Knaster verdrägen kann. |
|
| |
Während ditt geschüht, schallt dörch den Saal Vigelin un ok Trumpetenschall |
|
| |
Un ümmer höger stiggt de Jubel, Datt is'n Leben un'n Trubel |
|
| |
Un Lärm un Juchen wie bekannt, As weern se in de vergüllte Hand. |
|
| |
Herrjeh, watt ward de Ogen klor, In de Gaststuw blast se denn Randohr |
|
| |
Un manches kräftig Wort ward spraken, Un ok manch Riemels bi verbraken. |
|
| |
Dor lat't se hoch de Olln leben, Un ok ehr Frugenslüd dorneben, |
|
| |
Ut'n Kross drinkt s' Grog enanner to Un sünd dorbi ehr Leben froh |
|
| |
Na nu höllt datt hier nümer upp Un Alles geiht nu baben rupp, |
|
| |
Denn kamt de Schaffers upp'n Saal, De Frugens un Maniislüd sett sick dal |
|
| |
Orrer staht ok rund herum im Kranz Um totosehn den Schafferdanz. |
|
| |
Söss Poor de danzt toerst alleen, Herrjeh, watt smiet se mit de Been, |
|
| |
Denn nahsten danzt de Annern mit In Hemdsmaugn, as datt dor so Sitt. |
|
| |
Denn kamt ok de Jungdeerns an'n Danz, In't Hoor een hübschen Blomenkranz |
|
| |
Un Rükels in ehr Taschendok, Hör mal, watt snackt se fien un klok. |
|
| |
Klock elbn denn kamt se in ehr Fett, Denn danzt se dor „Polsch mit de Wett", |
|
| |
Candrillsch, Franzäsch danzt se hendahl, Den Bohnenpott un Schasskanal, |
|
| |
Ward se nu döstig, ward se warm, Denn drinkt se ümmer dörch'n Arm. |
|
| |
So duer´ t Vergnögen bet Klock söss, Un wer denn noch hett groten Döss |
|
| |
De geiht, wo man'n Licht deiht blinken, Herinn, um Kaffee dor to drinken. |
|
| |
So deh de velen hunnert Johren Dit Fest sin Egenort, bewohren |
|
| |
Un wie wünscht, datt uns' Herr mücht geben De Kringelhög noch'n langet Leben. |
|
